Bio
Dispoñibilidade
Line up / rider
Discografía
Audio / Video
Fotos
Prensa
Web
MySpace

Contratación:
Carlos Montilla
carlos@nonsi.es
Tel. (+34) 981 578 281 / (+34) 615 098 921

Cinematojazzía é un proxecto musical de Nani García no que dá cabida a temas de composición propia, destinados xeralmente a obras audiovisuais, interpretados en clave de jazz.

Nani García vai acompañado de Roberto Somoza (saxo), Alfonso Morán (contrabaixo), Miguel Cabana (batería) o e Cuarteto de Clarinetes Xerión. En ocasións, tamén conta coas voces da soprano Clara Panas e da vocalista de jazz Carmen Rey.

Nani García conta con numerosos recoñecementos, entre outros pola súa participación na película De profundis (Miguelanxo Prado), nominada aos Premios Goya, e cun extenso currículum con máis de 60 publicacións entre CDs, obras de teatro, danza, videoexposicións e BSOs para cine e televisión (9 longametraxes, series de TV de difusión a nivel estatal, 13 obras de teatro, etc). Entre os seus galardóns están, entre outros:

- 1º Premio de composición no Festival de Jazz de Donosti (1983).
- Cinco Premios Mestre Mateo.
- Finalista nos Premios da Asociación Española de Criticos de Bandas Sonoras (2007).
- Finalista nos premios Gold Spirit que concede o Festival de Bandas Sonoras e Música de Cine de Úbeda (2008).

A súa xa longa traxectoria teno levado a colaborar con músicos da talla de Dulce Pontes, Paolo Fresu, Joao Afonso, Jorge Pardo, Alfonso Morán, Michael McGoldrick, Pablo Milanes, Karen Matheson, Baldo Martínez, Roberto Somoza, Ainhoa Arteta, Amancio Prada, L.E. Batallán, Perico Sanbeat, Luar na Lubre, Tom Gullion, Uxía Senlle, Manecas Costa, Kenny Wheeler e un longo etcétera.